De Tsjerne. Jaargang 23

[p. 438]

Barthle J. Laverman / Gedichten

de tûzendjierrige
fjûrmakker
bûgt syn rêch
en follet de aeiskalen
mei baernende wyn

de hoasjende god
wachtet

‘IT BLIDE HERT’ (in geramtesankje)

de profeet
dy't to Sanfirden
in troan hierd hat
foar in foaroarlochs pryske

- in gitaersolo -

is bliid!

HOERA

dêrom sil er de burdmannen fordylgje

(sirene + it lûd fan hyndergedraef,
3 kij dy't molken wurde en in hin
dy't op teannen troch it grint rint)

as alles goed giet
sil harren hier
freedtomoarn op 'e merk
to Ljouwert
foar 25 sint it pûdtsje
forkoft wurde
_____
foar
in bliid hert
binne trije pûdtsjes nedich