De Tsjerne. Jaargang 23

[p. 422]

Daniël Daen / Gedichten

Ien oer en tofolle

doel er syn godtsjinst-fenomelogyske fallus
yn it fan vergilius vagina neamde gatsje treau
en him as in toarstich keal oan it fet fan libido boarnde
wie dizze hillige
neiâlve coïti
it tsiende resultaet
fan de erotyske kronkels
fan saneamde âlden
alias heity en memmy
en dit
op kalvinistyske grounslach
‘linea recta procreatio’
ûnder gods seine
is nou
adeodatus theodorus neffens it bertekaertsje alteast
in flok foar de beurs
en skuldich

Prenatale dea

Ik lit it leger by har yn marsjearje
fan de biropsofsiers
en de spes patriaeprovos
en it debylste geny
mei mooglik amtners fan boargerlike stân
mar fijn yn 't rubber bisletten
wurde se
fuort yn 't skythúswetter getten

[p. 423]

Soks neamt men blasfemysk

en ûnder de seame fan mar minijurk
sette 'k it glês
mei de pleechsusterbloedwyn
Kristus is krusige
hast it nou heard
en ik joech har de sjips
nim it dy nei
mar hja skattere
de laits mei in echo yn weagjen fan wyn