De Tsjerne. Jaargang 23

[p. 317]

Barthle Laverman / Fersen

Forsiking fan it hillige ik

earten wrammelje
earten wrammelje
hûl
earten wrammelje

(toskflinter hipt
oer myn sûndenreed)

it wurdt myn tiid
ik sil de fromme skuon oanlûke

Forsiking fan it hillige knyntsje

leau
har net knyntsje

har hier is blau
sjochst dû it skûm net
dat oer de ranne krûpt
sjoch de eagen dy't dêr driuwe
sjoch de skonken dy't der

waeije yn 'e wyn

leau
har net knyntsje

slach dyn earen del
en
krûp wer efter
myn fel

[p. 318]

Blaes

blaes
de fjûrtrompetten oan

dêr komme hja

har wide grize mantels
wapperje oer it gers
har laeijen gesichten
binne sletten stille tinzen
sjoch har knokelhannen
dy't it bloed út 'e floitfûgels knipe

hja driuwe mei de wyn
al tichterby
de reade sinne yn harren mûle
fortart de griene beammen al