De Tsjerne. Jaargang 23

[p. 112]

Tiny Mulder / Gedichten

Ars brevis

myn knyn
de ôfstân fan parys
nei amsterdam forwidere
en dan it hiele ein nei ljouwert noch
om mar in goed ein to neamen
wit net hoe sot
ik by myn efterdoar
mei woartellof omskutterje
en myn fromste bidoelingen
stikkenwaeije oan de line
buorlju en foarbygongers
ta spot

hwerfoar ik libje

foar in tút
in readen in swarten
foar hwat ditten en datten
en foar de gloarje fan god
en blykber foar it lot
- lyk as frommen jim al tochten -
him to loovjen as in stomme

[p. 113]

3

 

dach dames

 

moatte wy sizze tsjin de wurden

 

yn har forgulde earmoed mantels

 

dat se har selsrespekt wer fine

 

nei it heechforried de rjochtdei

 

en de straf

 

 

 

dach respektabele dames

 

dy't ús korruptens boeten

 

wy sille jimme forsichtich en biskieden

 

de earmsillige opskik útdwaen

 

en jim koel biwarje

 

 

 

dach earbiedweardige frouwen

 

bid foar ús nou en yn de ûre fan

 

pinne op papier

[p. 114]

Brooklyn

wenjend yn middenstânskouwen
franklin ave., brooklyn, n.y.,
strike se nacht en dei
ja ek en binammen oerdei
dûbelde skoattels op 'e doarren
hâlde by de skille de doar yn it tsier
goed forankere mei koopren keatlings
sjogge mei ien each
mei ien tear each neaken
de frjemdling dêrbûten
de rôver de moardner
de dief de forkrêfter
trephûs fol driging
portalen fol hate
oant mooglik miskien
nei hifkjen en freegjen
nei freegjen en hifkjen
it tsjindiel blykt
en de frjemdling der yn komt
mei kofje en doughnuts
as in ingel yn brooklyn

[p. 115]

Manhattan

broadway wie in yndianefuotpaed
lâns de rivier
oan wjerskanten buffel en bear
broadway is de brede wei
troch de ivige jachtfjilden
fan glês en beton
bezine en oalje
oan wjerskanten Ford en Chrysler
don't worry

Job

giftich rikjende púnheap
rjocht yn gods eagen
- sjoch hoe grien de stien

útslein is

sjoch hoe swart de foech

biskimmele -

en wy
amper giftige swammen
mei ús driftige flokjes
en noait reden ta laster
bilegerje de manmachtige ruïne job
hinderlik