De Tsjerne. Jaargang 23

[p. 69]

Daniél Daen / Fersen

Fotoferskes:
Us heit

fan tolven oant ienen
skytbûtse, grouwe earten ite
en it evangely fan mattheus
docht er in healûre oer
knipperje, wekker wurde mei pineharsens
yn in kertier
patriarchale warskôging oan alle leden
fan it gesin en jammerje oer de to hege fleisrekkens
fan de slachter tsjin ús mem
ek in kertier
om dan wer to bigjinnen mei skytbûtsen

Projeksy

ik bin in wolvejong
opgroeid yn in formidden
leafdeleas
fan in diktator en skrutene skiters
ik siz god is dea
en alles hwat dermei anneks is
hjoed haw ik myn heit bigroeven
hjoed haw ik
Myn Heit
bigroeven
leafdeleas

[p. 70]

Dea fan in arbeider

syn hiele libben lang
hat er it mei de lea fortsjinje moatten
in hurd bistean fan bealgjen
en tape er deselde mop as dokter
waerd syn kant net útsjoen
lit stean lake

hwant yn syn doarp
wie mar ien kommunist neist in baron en arpé-ers

nou is er dea
in knoestige oast
en oan syn grêf hat dûmny sprutsen
en hy en sy

it wie in bigroeven talint ja