De Tsjerne. Jaargang 23

[p. 52]

Durk van der Ploeg / Gedichten

1944

It wie yn 'e winter. Tear
En hûngerich wie ik en hel-
Le weet by de boer.
De mûlen ta-
Boun leine de dea-
Den to bistiivjen op 'e fracht-
Wein. De man mei de sten-
Gun hie in sike kleur.
Syn geizige hannen knoffe-
Lich fan it kloathannesjen
Moast er biwazemje mei
De lêste siken.

Oeral roek ik it libben
En it waerme bloed as
Wie it teiwaer wurden
En waerd ik wekker
Foar it libben (     ).

[p. 53]

Mongoal

Mongoal Studearret
Klassike Talen Skrast
Harre Krastus Op It
Sket De Buorren
Sizze Sa Gek As In
Spiker Amen Amen Amen
Lytse Bigge Boe
Jim Lykje Allegear
Op Elkoar.

Dêjom Jean Ihikke
Nein Nynjochting.

[p. 54]

Op in dei

De froulju mei it
Smeulske praet se stek
Ke de toarre koppen yn
It waer. Klepperje & kwetterje
As mosken yn 'e sinne
De kleden op 'e line
En mar spiele spriede
Sproeije spreije sprauwe
Oer de hage fan
Sahajonet
Oant de koppen der
Skilich fan sjogge en oat-
Moedich as de duvel
Op 'e kloet
Litte de wiven har wer
Yn it bêd farkje
Hwant it libben is
Leafde Efter De
Breiden Broek.

[p. 55]

Klacht fan in sekseleaze

Ik, sekseleaze teleksiste
Fingerje my dea op dy
Forrekte rottoetsen
Mar hwa kriget my ris
By de lurven foar in wan
Myn Heilân en myn Fak-
Forboun bipleitsje de
Leafde Ta De Neiste
Mar ik ha gjin boars-
Ten en skonken. Nim my
Sa't ik bin koel by
De kofje en krinterich
Yn it fleis mar koere
As in doffer en op
Cao-kontrakt mei jier-
Liks in tantième foar
It bankboekje en in
Reis nei Tirol mei de
Dames Hommes.
Mar se moatte my
Pinigje ta de leafde
En huf my de lurven.

[p. 56]

De keppel

De Dierebiskêrming sprekt Sûnde
Skande fan de Eksaltearre Preek-
Hearen dy't sneins it Laem slachtsje
Foar de Gemeente. Wurken fan it Kwea
Wurde soene troch J.K. to N. dy't it
Allegear sa linich ôfgyng. Mits!
Mar it rûkt sneins nei Bloed
Nei de Hillige Pikel yn 'e buorren.
Hy is it Sâlt fan de Ierde.
Troch de wike is Hy de Hoeder
Wy de skiep en de Dierebiskêrming
Om op 'e lammen to passen.

Wy hawwe ús symboalen réalisearre
En litte ús net fan de Leagen lompe
Mar biret oant yn it Hjirneimels
Gean wy to wjirmdollen mei de Heilân.