De Tsjerne. Jaargang 22

[p. 456]

Jan Dotinga / Ekposysje Princessehof

dach romte
bylden sizze harren sels
portretten sykje in eigen gesicht
gjin biweger kin it hjir úthâlde

de suppoost
freget twa kwartsjes -
heal jild en dat by safolle neakenfigueren

it pear
stiet op in heech fuotstik
se hat gjin lêst fan hichtefrees
se ûntdekke elkoars lidden en boartsje
in sykjend evenwicht -
mar dy iene foet
dat hâldt se net út
ûren ûnder syn sittend gat

froulik neaken
lichem fol fruchtfleis

se hat de leafde
ûnderdak jown
nou draecht se it teken ûnder in keningsmantel