De Tsjerne. Jaargang 22

[p. 413]

Jan Post^*)/fersen

mei de tange
wol ik de leafde
út de skie
fan de ierde roppe
foar dit biwiis
bisykje ús deapine
to ûntrinnen
en to forjitten
dat it in foarskot is

*) De nul is ek in sifer.

Caput selectum

Dit is myn holle
dou meist him hâlde
op dit bitingst
him nea yn forlegenheit to bringen
Al dat oare hâld ik
dochs mar sels:
myn hannen foar myn brea
myn mûle foar de frisse wyn
de fuotten foar in wrâld
fan goudbrûns en bloed;
mar nim leaver in foto,
hwat moat ik sûnder stjûr?