De Tsjerne. Jaargang 22

[p. 293]

Tiny Mulder / Fersen

Dame mei hoed

plechtsteatlik ûnder
in hoed fan dick holthaus
lavearret de dronken dame
de kade del
en alle hearehuzen
mei har mahoany bekken
en glimmende foarhollen
mompelje
styl hát dy dame
kinst sizze hwatst wolst

o dat wy ek ienkear
sa'n lange neimiddei
lavearje mochten
as dy dronken dame
dy't ien is fan uzes
fan party nei party
hwant wodka wurdt skonken
en kinst ek noch kieze
út fiif etiketten

plechtsteatlik ûnder
in hoed fan dick holthaus
lavearret de dame
de greft yn o heden
de hoed driuwt frij boppe
en de hearehuzen
wjerkeatse de hoed
yn syn nij en lichtsinnich
bistean op it wetter
se mompelje sunich
wy woene net graech
dat ús dat oerkaem

[p. 294]

 

de ex. test. bifreget de pinne

 

hjoed forstoar

 

né forsûpte

 

né seit de pinne

 

forstoar

 

 

 

de hearehuzen spuije

 

fiis út glêdstrutsen bekken

 

menearen en mefrouwen

 

yn 't swart dy't har

 

forskriklik geneare

 

se wie ien fan harren

 

kinst sizze hwatst wolst

 

 

 

efter de suvere fronten

 

bliuwe yn 't swart mei wyt piqué

 

de fammen allinne

 

by thé sûkelade

 

en gâns to forbekjen

 

 

 

sa wiis is alles

 

hjir bioardere

[p. 295]

 

wy wiene in bjirk en in bjirk

 

wy wiene in fûgel en in fûgel

 

 

 

wy binne minsken

 

dou skriemst tominsten

 

 

 

de brieven út myn jeugd

 

binn' better

 

se hâldden ien eachje ticht

 

dy fan letter

 

binn' echter

 

de dea kontroleart se

 

op wierheit

 

 

 

de skiep yn 't lân

 

sjogge út nei dy

 

mar de kou ûnforskillige fretter

 

wit wol better

 

 

 

de bjirken rabje

 

hwat langer hwat rêdder

 

hwat rêdder hwat rêdder

 

 

 

dan reint it