De Tsjerne. Jaargang 22

[p. 290]

R.R. van der Leest / Fersen

Houlik

doe't kuifje barbie troude
waerd der in wiidweidige resepsje hâlden
barbie wie yn mini mei djip dékolleté
dat har harteskonken en puntboarsten stieken goed út
kuifje wie yn syn sljocht blau kyltsje
mei it sljochte swarte pofbroekje
en hy die in bytsje hounich
okkerdeis seagen wy barbie
mei in wite poedel yn 'e stêd
earme kuifje

[p. 291]

Smertlape

ik hie dy it earst
mar ik sei net
dyn sanen binne galunen
dyn fjirk is in trau
dyn boarter in lau
dyn kanen binne sazunen
doe kaem der in oar
en dy sei wol
dyn sanen binne galunen
dyn fjirk is in trau
dyn boarter in lau
dyn kanen binne sazunen
nea seach ik dy wer
nou siz ik ek
har sanen wiene galunen
har fjirk wie in trau
har boarter in lau
har kanen wiene sazunen

[p. 292]

Striidfers

wer sil ús brede boarst de fûle fijân keare
wer sil ús fryske frat de kneppels tsjen
wer sil ús wraksen skaei it lân broekseare
wer sil ús mapske trat de rimpen knysterfen
eale deale fryske beale grokkelje it diggelfjûr
rane baerne hyske fane brikkelje de lêste toer
flean op flean op flean op mei rune trompen
flean op oer sangen bjusterbosk en glysterpaed
dan sil ús heitelân wer út de klaei forslompe
rip tangelgoas if maze bjarre gnieden kiterfaed