De Tsjerne. Jaargang 22

[p. 104]

E.E. Cummings / Mei dut drokke munster...

Mei dut drokke munster, minskûnheit,

haw meilijen

net. Foarútgong is in noflike goarre:
dyn slachtoffer (dea en libben feilich oarekânt)
boartet mei de greatens fan syn lytsens
- elektroanen forgodlikje ien skearmeske
ta in heechflakte; linzen forgreatsje

ûnwinsk troch krieming hwêrhoenear ont ûnwinsk
komt wer by himsels tolânne.

In wrâld fan makke

is net in wrâld fan berne - haw meilijen

mei it earme fleis

mei beammen, earme stjerren en stiennen,

mar nea net mei dut

spatsich specimen fan hypermagyske

ultraomnipotinsje. Wy dokters kinne

it hopeleaze gefal as - harkje: der is in heisliken
goed universum hjirnjonken; sil 't mar wêze?

(oersetting H.TJ. PIEBINGA)