De Tsjerne. Jaargang 22

[p. 31]

Geart van der Zwaag / Sirkus, fiif gedichten

De liuw

erst kommt das fressen und dan
prippe de feinten de kening fan de dieren
troch de loop

dêr is de klets fan de swiip

spring troch de baernende hoep
platjaen en foar hurdkleed spylje

moannen skroeije yn 'e brân fan it oerwâld
it stjonkt yn it leger nei minskeswit

tink om it lichtsjen fan de klink

de gasten yn 'e loge wurde warskôge
foar in liuw is de earste de bêste

Flop

ik haw in flie fong
in flie fan in oar

ik hip mei it bist
troch de piste

it publyk is hwat tryst
ik bin net sa'n goede artyst

mar nou it nûmer mei de stjelp
de lêste remeedzje
hoe wurdt in flie in oaljefant

der wurdt al klapt
de echte drave al foar

[p. 32]

Trapeze

de iene skoech yn dyn skerte
de oare hellet dyn herte
om dyn holle fier ik dyn smerte

Clown

der is in bern en net en al
dy't krûpte yn in heinderbal

postuerjend yn it rútsjepak

set er syn direkteur to kak

en skaeijend yn de skipkeskuon

hâldt er publyk in húsketon

der waechst him op in hantsjeklap

en op gelaek in âlde grap

mar oer de skreef nei efterom

fynt er syn eigen noas werom

it is in bern en al en net
hy hat my syn komôf forret

Touter

fán dy
néi dy
wurd
wink
lêste swink

fang

dou hiest my allang