De Tsjerne. Jaargang 22

[p. 29]

Tsjerk Veenstra / Sentiminteel ferske

se hawwe in blanke
hast it lêzen
syn wêzen
út 'e hûd wei ropt.

jane fonda
sa wyt as sûpe
hat op in stoepe
hast it lêzen
in negerjonge
dy't har in roas
in roas jaen woe
om't se sa moai
yn 'e film spylje koe
- in film fan twa soldaten
de iene wyt
de oare swart
dy't sa't dat wolris bart
togearre yn seisenfjirtich
nei hûs ta teagen -
in negerjonge
dy't har in roas
jaen woe
hast it lêzen
in fikse tút jown.

dy blanke woe ha
hja hie him skopt
nou is 't wêzen
syn djipste
him út 'e hûd wei ropt
hast it lêzen
leave skat.