De Tsjerne. Jaargang 22

[p. 3]

Tr. Riemersma / Fers

Wy kuijeren nei Sybrandabuorren
myn sweager en ik mei de bern.
Op 'e reed nei Anne-Ep roun de J.
dy't fan 'e wike syn frou bigroef.
Se hie de jierren dat
wy meije net opstannich wêze.
Hy droech in swarte hoed
en sneupte yn 'e wâl lâns
net liker of socht er einaeijen.
Pas op bliksem rop ik
dy forrekte auto's bidjerre alles
men stiet om 't hurtsje yn 'e berm
wy kinne better nei hûs gean
kom mei bern.