De Tsjerne. Jaargang 21

[p. 403]

[Nummer 11]

Inne de Jong:
Lazy Dog

In bom fol flymjend stiel
as er boarst in pear meter boppe de groun
fleane tûzen ûnbidige
twasnedige skearmessen
yn de foarm fan biwjokke pylken
as de bliksem nei har doel
beamkes falle as reid
skonken wurde amputearre
gauwer as mei it mes fan de chirurch
bernehollen ôfsnien
as blomkoal fan de stronk.

Op syn modelbuorkerij
in lyts paradys
hâldt de presidint in parsekonferinsje
en praet oer Amearika's ropping
om frede en frijheit to bringen
yn donker Azië
studinten protestearje forheftich
senatoaren en geastliken roppe
hâld der yn Gods namme mei op
minhear de presidint
hwat biweecht dizze dwazen?
de Oerheit draecht it Swurd net forgees
we fight with God on our side.

Mar in miljard forbjustere Aziaten
freegje hwa is dy god?
en hja meitsje de rekken op.