De Tsjerne. Jaargang 21

(1966)– [tijdschrift] Tsjerne, De– rechtenstatus



[pagina 279]
Durk van der Ploeg: Undersyk nei it motyf fan de romer yn us kapitalen Myn leafste Hwat is myn leafste letter? Myn leafste letter is Ygrek Dat is foar my in romer En dat is net sa gek Wipperke De V is miskien better De V is great en rom Mar der sit gjin poatsje ûnder En dêrom falt er om To djip De letter O o waimir In hoepeltsje in tsjel Mar mei twa dronken eagen Sjochst yn in romer del Ien mei foar E.B.F. In poddestoel in paraplu In romer mei in leppeltsje de Q Wol handich foar de brûker Fan brandewyn mei sûker NX In krusing en in sânglês Dat is de letter X Sit boppe yn de romer Yn de ûnderste sit niks URN De U in romer gol en roun Mar 't jowt my argewaesje Sadré dit letterteken wurdt De krûk fan de krémaesje

[pagina 280]
Ode oan de fetseskoalle Ik woe dat myn skoalbank in hynder west hie In hynder fan hout en metael Myn pin en myn skrift in fûgel in flie Myn letters in fers in forhael Ik woe dat myn skoalbank in hynder west hie En myn master in greate meloen En de sifers sa kâld as iis en snie Dan frear it wol in miljoen Ik woe dat myn skoalbank in hynder west hie Dat heech oer de huzen fleach Sadat ik de minsken fan boppen sjoen hie As de Kening mei it iene Each Ik woe dat myn skoalbank in hynder west hie En myn juffer in sûre augurk Dan wist ik tominsten nou hwer't ik stie En oars dan hyt ikke gjin Durk.
Forskjinje Yn 'e etalaezje stiet in moadepop In frou mei skroeven sûnder kop Mar út 'e hals dêr bloeit in roas In orchidé, in rôze noas In rûker, in hart sa wyt as sûker De etaleur slûpt as in dûker troch it aquarium glamour Rjocht op it steile lichem ta Drapearret stoffen om it gips De boarsten stykjend mar hwat pips Mar skonken blinder dat hat pep Sa dekt de lading linnen nep De krante skriuwt op 'e earste etaezje Unthalze frou yn 'e etalaezje En foar it glês rint men to heap Hwant hjoed bigjint de útforkeap.

[pagina 281]
Ynterview mei Kattenburger Jij rookt marahuana sigaretten? Ja Waar koop je die? Zeg ik niet, krijg ik gedonder met de politie Waarom rook je ze? Dan kan ik zo lekker dromen Verdomd waar, dan voel ik me heerlijk Dan ben ik high Als je high bent wat doe je dan? Dan schrijf ik wat Wat schrijf je? Protestsongs en zo Weetikveel.
Lietsje foar in theolooch In dûmny is in bidder mar gjin gever Dat komt sa'n man hat faek in droege lever Mar wie de lever minder droech Dan siet er ivich yn 'e kroech Roun moarns hwat skean mar jouns noch skever Hy waerd in plakker en in klever Soks giet de minsken fiersto rûch En dêrom lizze dûmnys droech Se sjogge wyt en weiten as de wever In dûmny is in bidder mar gjin gever.
By myn himelfeart Hwa pakt my by myn himelfeart Op 't nipperke noch by myn steart? Dy skuor ik mei nei boppen ta En skriuwt my dêr in dogma Faeks giet jim dit wol hwat to rûch En roppe ho Durk van der Ploeg! Mar jim hjir ûnder stean foar skut Hwant ik ha hielendal gjin sturt.

[pagina 282]
Nieuw liedeken tot lof van Vrieslandt Opdroegen oan J.J. Starter Het Friese platteland loopt leeg Friesland verliest zijn beste zonen En toch is het zo leuk er te wonen Maar ja, de mensen zijn zo dreech De meren zijn er wijds en groots Maar de vlakten zijn er dood en doods De mensen kopen er jong een graf En daar is de kous dan mee af.
De rom fan Fryslan (Forfryske fan D. Kalma) Yn elke gemeente telt men de noazen Bin der hwat mear dan sit men op roazen Bin der hwat minder, men sit op swart sied Men wit hoe't dat yn Fryslân giet Hieltyd wurdt it tal noazen tinder Hieltyd wurde de sielen minderGa naar voetnoot) De minsken forlitte har hûs en har hurd* Oant Fryslân wer in rimboe wurdt.

[pagina 283]
Tsjugenis Opdroegen oan Eeltsje Boates Folkertsma Fryslân is al ieuwenlang swier Mar hwerom bernet it nea? It is hjir sa leech, it is hjir sa dea By it kreambêd stiet al de bier Soms tink ik, o blinder, nou binn' we der hast Hwant Fryslân hat wol in liif Al is it hwat hurd soms en grou en stiif Mar ik wachtsje oant dat it barst Dit stiet by alles wol yn 'e kiif It docht my de holle net sear Mar as Fryslân bernet en 'k bin der net mear Jow my dan yn 't grêf noch de fiif.
Soasiael minimum De wolfeart is hjir minimael Op hûnderttweintich goune De wyn stiet lykwols fel en skrael Op 'e forgúljemoune Us goune hurd noch as metael Kin jo op rinte sette Al garje jo in fiks kaptael Jo kin der net fan frette De wolfeart is hjir minimael Mar romte by de rûs Ei litte wy ús soasiael Mar widzje yn 'e sûs.

[pagina 284]
Gemeentepolityk 44 boargemasters sizze har sechje En allegear ha se wol har forlechje Se sizze hoe 't sil, se sizze hoe 't moat Mar altyd is der wer it tokoart Yn elke gemeente telt men de noazen Bin der hwat mear, dan sit men op roazen Bin der hwat minder men sit op swart sied Men wit hoe't dat yn Fryslân giet Yn 't jier 2000 dan bin der miljoen En kinne wy der mei goed fatsoen Net mear yn, dan hawwe de Friezen Har tael al forlern en har lân to forliezen.
Sjitgebetsje fan de boeren mei fiifdeiske wurkwike De boeren bidde alle sneinen: Jow ús in kou dy't lykas 't reinen Twa dagen droech is en fiff dagen wiet Twa dagen leit en fiif dagen stiet Fiif dagen fret en twa dagen net Dat bidde de boeren yn har gebet.
Rymke fan afuk-folder Kin jo noch net Frysk lêze en skriuwe? Bin jo dan noch analfabeet? Mar man dat kin dochs sa net bliuwe Al binne se der by de fleet Lear Frysk neffens natuermethoade It Frysk is nou wer yn 'e moade Of leit de boel jo sl jocht genôch Mar Frysk, man, dat wurdt aenst jou kroade...

[pagina 285]
By riten By elk fers dat ik skriuw tink ik Dit is myn alderlêste By elk fers dat ik skriuw tink ik Dit is myn alderbêste By elk fers dat ik skriuw tink ik Is dit wol in gedicht? By elk fers dat ik skriuw tink ik It is ek gjin gesicht By elk fers dat ik skriuw tink ik Men soe it ek fordomme By elk fers dat ik skriuw tink ik Myn siel is wer forromme By elk fers dat ik skriuw tink ik Dêr kin J.M. foar dokke By elk fers dat ik skriuw tink ik Ik kin der wol fan kokke By elk fers dat ik skriuw tink ik It is ûnder de mjitte By elk fers dat ik skriuw tink ik Ik wol it gau forjitte By elk fers dat ik skriuw tink ik Ik wol alhiel net tinke By elk fers dat ik skriuw tink ik Hjir moat ik fiks op drinke By elk fers dat ik skriuw tink ik Sa moast it ivich bliuwe By elk fers dat ik skriuw tink ik Mar hwerom moat ik skriuwe? By elk fers dat ik skriuw tink ik Ik bin ommers in dichter By elk fers dat ik skriuw tink ik Hjir bin ik sels de stichter
[pagina 286]
By elk fers dat ik skriuw tink ik Dit bin myn moaiste riten By elk fers dat ik skriuw tink ik Ik haw mysels weiskiten By elk fers dat ik skriuw tink ik Ik sûgje 't út myn tomme By elk fers dat ik skriuw tink ik Myn hert is wer biklomme By elk fers dat ik skriuw tink ik Dit rint sa glêd as snotte By elk fers dat ik skriuw tink ik Ik bin ek net forrotte.	voetnoot*) Hjir wurdt doeld op minder yn tal.

Vorige Volgende

De Tsjerne. Jaargang 21

Durk van der Ploeg:

Undersyk nei it motyf fan de romer yn us kapitalen

Ode oan de fetseskoalle

Forskjinje

Ynterview mei Kattenburger

Lietsje foar in theolooch

By myn himelfeart

Nieuw liedeken tot lof van Vrieslandt

De rom fan Fryslan

Tsjugenis

Soasiael minimum

Gemeentepolityk

Sjitgebetsje fan de boeren mei fiifdeiske wurkwike

Rymke fan afuk-folder

By riten

Over dit hoofdstuk/artikel

auteurs

vertalers