De Tsjerne. Jaargang 19

[p. 83]

[Nummer 3]

Gerben Brouwer:
De gong

It is blakstil -

de doar giet iepen.

Miskien doch ik it sels,

of faeks in oare man

of mar in fûgel,

dy't skûlet foar de nacht.

In wale hinget hinne

om my en alle wrâld.

Troch it lûd fan myn siken

tikket it drippen op estrikken

in geheim.

De tinzen kringe;

myn hân biweecht -

As de doar him licht docht,

bin ik net allinne.

In stim: It sil wer reine

en de wyn wer waeije.

Dan falt in muorre

en wurdt de flier fan grús

it hûs wurdt wei yn 't hiem:

in man komt nearne thús;

hy dûzelt troch de romten

en alle sfearen heine him.

Hwat wie fan âlds bigjint fannijs.

Kyriëleis -