De Tsjerne. Jaargang 17

[p. 379]

Gerben Visser:
Sang fan de Almacht

Fan Clotho, Typhon, Atropos woest sprekke,
Lachesis, Ciwa?... sjuch, in stjerre kein,
Fier boppe har ta syn heech zénith rekke
Myn Wêzen, barnend, ivich, souverein!

Djip yn myn macht'ge geast - it swurk woe brekke
Hoe glânzge it, fan moarntiidsrea bitein -
Folsleinens flûnkere, ta libben wekke,
De kjim fan mûglikheden sûnder ein.

In Wikker, dy't it ein antecipearre,
Fier, fier foarby de skiednis projektearre
Koe ik der fénoménen útgong sjen...

It Ding an Sich him op myn roppen riste
En d'ûnderjûke feiten, sjuch, hja misten
De moed en sjuch My oan, as hearrigen!

Augusto dos Anjos (1884-1914)