De Tsjerne. Jaargang 17

[p. 26]

Koine foar twa

Hwat woun, hwat forlem, hwat heind,
hwat keard en doe wiene wy ré
om waermte, kjeld, om wiet en droech
âld-nife nammen to jaen.

Om by tsjuster en ljocht, by sinne
en rein in brêge to slaen fan synjael,
elkoar to bineamen fan moarntiid oant moarn
en dochs elkoar to ûntgean.

Nim fûgeltsje wurd út syn swarte kou,
lit him dounsje op it read tonkje
en flechtich wêze sûnder forlet,
swartstipkestean foar de sinne,
heech boppe grien-yn-'t-skadich wetter,
mei wieren, mei fisken. Foar ús togearre.