De Tsjerne. Jaargang 17

[p. 24]

Collage

De tiid om to breidzjen
njonken in prima hurd,
de hjerst,
is op kommende wei.

Fryske fammen sit wol fjûr yn,
sei in great âld man mei humor.
Mar as de .r. yn de moanne komt,
nim dan leaver in hurd
en levertraen:
alle jounen in leppelfol
fan it âlde merk.
In leppeltsje mei in Fryske faem
is in oantinken fan bliuwende wearde
as it aenst kâld wurdt,
en de priis is leger as jo tocht biene.

Lykwols in petear mei Piebenga
oer it wêzen fan de siel
fan de Fryske frou yn de iere midsieuwen
docht de konkurrinsje de das om:
it fordriuwt de kjeld,
de namme hat wearde,
en bettere waer en tsien persint
passe de boer en de stedman.