De Tsjerne. Jaargang 17

[p. 23]

Helena

Yn har keamer pronkje roazen
mar dochs stiet de winter
yn skier forset.

Hja rôllet de .r.
In sigaret forkomt
tusken koarstich karmyn.
Paris, o, Paris.

Mei koartsgleone hannen
bûcht hja it swijen om,
forballet hoastjend glossen reek.

Hastich oerein,
minuten as gounzjende miggen
mei kranten fordriuwe.
Renovare dolorem.

En it paed nei it strân fan de sé,
en it paed nei 't forbaernd kastiel,
forlem efter dagen en jierren,
skuort as in skreef troch har siel.

Mei mear foarbij bidobbe
tusken rju forgield papier
in âlde gloary-print:
raptus Helenae.