De Tsjerne. Jaargang 17

[p. 22]

Winterjoun

Stiifferzen deugdsum
biwize tuorren fan ynsnijde doarpen
it blau laei mei wyt stjerskrift.

Us libbens lizze wolbihoede
fêst yn wolforgetten kodes:
gjin filolooch kin bistammerje
ús biografy yn wytgleon wûnderskrift.

Wy ha de kaei yn frjemde wetters smiten
en boalsfeinten stiet it frij
to drêgjen út dounsjende boatsjes
op baerjende grêften;
lit har de skaden fan hege brêgen
mei tûke lantearnen trochwuolje.
Wy witte fan neat.
As útdaging oan speurhoun en P.T.T.
lizze ús doarpen efter sniedunen
yn de kontrij dy't wy bilibje,
bûte bigryp fan dominy en kommissaris.