De Tsjerne. Jaargang 17

[p. 21]

Winter

De beammen,
forlitten tribune foar fûgels,
jowe it sicht op 'e sinne frij.

Wy, anti-romsicht, wenje mank fervefûgels
op tûken yn muorrebosken:
gjin each, gjin ear, gjin stim.

Wy, kwekers fan nea net sjongende letterfûgels,
ús langst nei it rûzjen fan libjende blêdden
oerwintret mei ús op 'e muorren.

Wers fan elegyen, brânne wy âlderwenst offers
en sjogge wannich .XII. apostels sweevjen,
dounsjende bruorren alkaloïden,
op ús libben bigien.