De Tsjerne. Jaargang 17

[p. 19]

Kjeld

Nei slop tam-tam fan lok en lijen
dûkt in tusken de stjerren forsille
nij slach fan filosofen op:
de eis-kreis-barbaren.

Dy dan, dy't binne de icicles-
hang-by-the-wall-singers, lizze
wurden fan omtinken op 'e sinnige
froulju fan tierens,
lille prinsesser paa aerten.

Skerpe wurden sizze de dream op
en eisernes schicksal herrscht
mit stummer gewalt. O, leave sei,
hwerom sa fûl en sa minsklik?

Noch bin de nachten klear en soel
en stean de stjerren opsteld neffens
diagrammen fan wês fruchtber en
formannichfâldigje,
de maior tafel fan sex,
de dichter fan it lichem.

Das schauspiel dauert sehr lange.