De Tsjerne. Jaargang 17

[p. 16]

Harns by't winter

Sirenen steure de wintersliep net
fan Tsjerk-ús-helt:
de drege hoi fan Seisbjirrum
stiet stiif fan 'e kjeld
op 'e Brede-Plaes-de-la-fyktwaer.
Hy hat gjin oanspraek mear,
sûnt de lêste skipper him forhong
fan gjin argewaesje oer it waer.
Hwant ek it waer mijt dizze oarde
sûnt Vissers hellevaart.
Alle moarnen ropt in grêfstim
de koarts fan 'e haven yn sm. om,
forheging of forleging,
mar dêr kin gjin skipper fan bistean.
De mokken frette fan illinde patates-frites,
kommizen driigje, keaplju moanje,
alles raest foarby nei better oarden.
Oan 'e haven kin se de lêste kaerten net kwyt,
inkelde reizen Ultima Thule,
printe op misdrukken fan 'e Apokalyps.