De Tsjerne. Jaargang 17

[p. 13]

De ald skoalgong

Hommels
yn 'e lift delsjitte
troch koker tiid
nei kelder doe.

Op 't skuord terrazzo fan de skoalgong
tusken klompen, petten, mantels
stean to stoarjen,
rûkend,
hearrende to wêzen,
syn kapstoknûmer, swart op giel,
wer to lêzen;
wer Amearika to ûntdekken
en in wyld heechljeppend hynder
yn 'e skurve griene ferve;
de projeksje fan de ljochtbak
wer op skean forried fan foarmen
to bitraepjen
en 't sjongen efter sletten doarren
wer as skriemrich langstme skypje.

Like hommels
dan de opflecht
en ûnwennich en forreizge
wer op 't hjoedbalkon.