De Tsjerne. Jaargang 17

[p. 9]

Foto

Underantlit
mei it antlit
dat dy skôget
djipforwoechsen skift,
foar-byld,
ré om to ûntkommen
oan syn nei-byld,
tweintich jierren djipper
yn 'e tiid bibiten,
partsje mei oan kleur en kromte,
bochtsje dy,
bislaen de romte
wer yn waermens, libbenswier.

Ik skril tobek foar 't glêdde glimkjen,
spegele yn 'e deadske flakte
fan it glêshurd brún bromide.
Mar inkeld troch dat poalflak hinne
kin 'k mysels
biglide.