De Tsjerne. Jaargang 17

[p. 329]

[Nummer 10]

Wibe Bergsma:

Ik rin yn dream folslein foreale
mei lichte passen troch de stêd
de strjitten binne hege sealen
gjin skaed kin folgje yn myn trêd

Ik rin yn dream folslein foreale
fan leafde is myn hert nea sêd
de minsken skelde my foar heale
gjin wurden deare op dit mêd

De leafdesinne lôget blier
it libben laket wit hoe fier
de wyn rûst waerme melodijen

in ivich liet - ik hâld fan dy - en
hwat kin my de wrâld dan meale
- Ik rin yn dream folslein foreale -.