De Tsjerne. Jaargang 17

[p. 222]

Sjoerd Spanninga:

Sudlan

It himelsk beryl
in glêzene loft -
it sân
it fjûrreade
wytstouwende sân -
de machtige eukalypten
en termiteheuvels -
boppe de spjaltene
woartels
fan in gombeam
still jochtsjende kapel
wenje de weverfûgels -
grienskobbige planten
reptile foarmen
fan it ûnderwesten
hawwe draketosken
siedde
hurde stikelgerzen -
blinkend giele blommen
brânne
hwer't it libben dounset
mei de dea -
gounzjende fan bijen
geure de accacia's
tovertwigen
sjitte drachtich
yn 'e bloei
siertakken
wige dêr har swide lêst -
in frjemd forline
strûzet út strewellen
of wynderet
by flechtwurk del
it hinget
teisterich fan miggen
om har hinne -
gouden ludzen
krije hagedisse-eagen
fleanende flammen
aenst de kleuren

[p. 223]

 

fan de kakatoe -

 

earne ljept

 

in kangoeroe

 

fearjend troch de scrub

 

jachtwyld foar de steppewolf -

 

toarstige torminten

 

hat de woastenij

 

dwylsinnige trageedzjes

 

efterlitten -

 

hjitbloedige bigearten

 

jammerdearlik omkomd

 

ûnderweis

 

lizze hja fossile

 

ta herinneringen -

 

ûnnoazel witten

 

dat de wyldernis

 

bidobbe

 

wurdt tobroazele

 

ta stof -

 

oer âlde beammen

 

dy't de rûzing droegen

 

fan de tiid

 

syn sterke stobbe

 

en syn skilferjende wêzen

 

lûkt in sulverige glâns -

 

inkeld noch de kevers

 

tromje yn it tryste donker

 

fan de deade stammen -

 

de lêste oantins

 

fan de dingen

 

hjir op ierde

 

bringe hja to hôf...

[p. 224]

Twiljocht

Hjir en dêr in wylgebeam
lâns de wei
âldman mei takkebosken
en de loft is mar meepsk
nei myn sin
hat grif hwat ûnder de lea
inkeld by de kym
bloeit it fjild noch as in goudgjirde -
wylst giet de joun syn wegen
yn it lette ljocht
de bûnte kleden oer de earm -
dan komt de nacht
in flearmûs
hinget de himel del.