De Tsjerne. Jaargang 17

[p. 50]

Johs. Couperus:
In memoriam
ús Soan Petrus Jitte Theodorus Abraham Mollerus Epéus Gerardus.

Dou wiest in kostber miniatuer
foar elk dy't dy oandachtich skôge
in iepen blêd yn streek en bôgen,
mar seach wol elk dyn signatuer?

As bern noch jong dochs kant fan stal
in skerpe geast, yn 't ierdske libben
represintant fan eale sibben
dy't toeven oan in oare wâl.

Us Soan! sa wiestou dei en jier
in lokkich bern, dat bliid en blier
yn ús formidden libbe.

Oant... doe de deis datst roppen waerdst
bifoardere ta in hege staech
oan Keningsbern bisibbe.