De Tsjerne. Jaargang 17

[p. 41]

[Nummer 2]

Hedzer Andela:
Lunchroom

as hja it is dan is hja it net mear
as hja it net is is hja it faeks dochs
it docht my sa of oars allike sear:
hja is it en hja is it dêrom nea net mear.
en dizze lunchroom dêr't hja is of net
is net mear dy fan oan 'e Grote Noord
de lunchroom wie en is en bliuwt it oard
dêr't hja it is - hja wie it ommers net?
as ik it bin dan bin ik it net mear
as ik it net bin bin ik it faeks dochs
it docht har, as hja 't is of net, net sear:
wy binne 't, as wy 't wiene, allang net mear.

hwat oft ik ken of wer ken, 'k wit it net
de tiid is dûm mar krekt net dûmernôch
ien eagenblik: nou't ik har ankels sjoch
is hja it grif en gril fierstento let...