De Tsjerne. Jaargang 16

[p. 113]

[Nummer 4]

Durk van der Ploeg:
De fugels hawwe gjin hus

De fûgels hawwe
gjin hûs op ierde
hja binne it bigjin
fan de himel
wenjend yn har kiel
tusken ierde en wyn

De minsken sizze:
‘Der is gjin fûgel stjurd,
de wyn is forburgen,
de ierde is jit
net ploege foar de siedding
en de tiid stjert
stadich wei tsjin de ein
hwerfan nimmen sizze sil
dat it net west hat
in fjûrfal hweryn in elk
fynt syn bêd en syn hûs.’

Mar doe't nei de sintfloed
de ierde droechfoel
yn de beammen,
stjûrde Noach de fûgels
nei it forline
hweryn gjin wurd en
gjin wierheit foel.

Sûnt binne hja
op 'e hichten in fabel,
ûnder de lânwyn
lytse profeten,
dragend it wurd
fan 'e himel
as brea ûnder de sinne;
slaende in tonge
yn it boarst fan in beam

[p. 114]

 

amjend op de stream fan

 

de wyn en de wrâld.

 

 

 

Lizze oer de ierde

 

de wizen en dwazen,

 

de âlden biwenje

 

it hûs fan de deaden,

 

yn har is gjin wurd

 

en gjin wierheit mear.

 

Mar ûnder de himel

 

fan it forline

 

biweitsje de fûgels

 

it ear fan de nachten

 

en falle sjongend

 

de fierte oan.

[p. 115]

II

 

Hûkjend op ierde

 

sit ik mei reade stien

 

to skriuwen ûnder it ljocht,

 

inkeld wurden dy't

 

gjin namme hawwe,

 

skreaun as diggels

 

ûnder de sinne.

 

 

 

Sa stiftsje ik

 

yn de kiel fan de ierde

 

primityf in tael

 

foar fûgels,

 

skriuw ik ûnder de wyn

 

bertewurden as

 

lytse leginden

 

yn sân.

 

 

 

Mei myn hân

 

liz ik Egyptysk

 

deade fûgellichemen

 

yn spraekgebrek

 

en bou har in

 

hûs ûnder de sinne:

 

in lyts hûs

 

foar deade fûgels.

[p. 116]

III

 

Ik kin mei

 

de fûgels

 

lêze en skriuwe

 

al foroaret

 

har tael

 

elke dei.

 

 

 

Al moatte

 

de beammen

 

op ierde bliuwe

 

wy farre

 

itselde mei

 

fan dei

 

en dea

 

en dea

 

en dei

 

wy farre

 

itselde mei.

 

 

 

Ik kin mei

 

de fûgels

 

lêze en skriuwe

 

al moatte

 

de dichters

 

op ierde bliuwe

 

de poëzij formei

 

oan de fûgels

 

fersen to skriuwen

 

al foroaret

 

har tael

 

elke dei.