De Tsjerne. Jaargang 15

[p. 65]

[Nummer 3]

Durk van der Ploeg:
Winter^*)

I

Under de wyn
sied en brea -

Jeltich de frou
bifruchte fan de seizoenen -

Is oer de ierde deade
it âlde lângeanne -

Tarre de deaden
de nachten -.

II

Under de wyn
sied en brea -
stean heech en
wintersk de skuorren
yn it deawyt
fan jiermels wikselingen.
Wurde de dagen
in stoarn ear
stiftsje
each en brea
in mûle
en wiist de sinne
mei lange gebearten
de twivel fan
tûzen om trettjin.

*) Dizze fersen foarmje ien gehiel mei de syklus Twaris fiif fersen, publisearre yn it nûmer fan oktober '59.

[p. 66]

 

III

 

 

 

Jeltich de frou

 

bifruchte fan de seizoenen -

 

âld yn de gehuchten

 

wenjend yn it

 

swijhûs fan de tiid

 

by weet en wier

 

fandelt hja wis

 

de fruchten

 

mei tanige knoken

 

wittend: dit is

 

in lytse lêst.

 

 

 

IV

 

 

 

Is oer de ierde deade

 

it âlde lângeanne -

 

falle wer ier

 

de fierten ticht

 

tille de bynten

 

swierder it outer

 

giet elberich

 

de wyn oer de

 

wurge ekers

 

en paedzjend

 

mei evel giet

 

elf de man

 

oer nei in nij

 

bistek.

 

 

 

V

 

 

 

Tarre de deaden

 

de nachten -

 

skrank reppe

 

de dagen de rongen

 

ûnder de loften

 

fûl de fanen

 

mar leech

 

de wyn en de wurden

 

leech it hûs

 

fan de tael:

 

flokke de

 

fûgels de ierde

 

mei evel en laits.