De Tsjerne. Jaargang 14

[p. 33]

[Nummer 2]

Berber Steenstra:
Moeting

Yn in sé fan tagedienens
moeten wy inoar
en tochten ús feilich
farrend op de radar
mar op 'e rede thús
warskôgen de ljochten ús.

Op goed gelok hawwe
ús ûnwisse hannen
stjitkessens lein
op de faeiste plakken
ûnder de wetterspegel
fan it tinken.
Wy sille net sinke
- dou net en ik net -
hwant opnij waerd ús skonken
de krêft om to kiezen
elkmis ús eigen koerts
mei as doelwyt de winst
dy't leit yn 't forliezen.