De Tsjerne. Jaargang 13

[p. 332]

Sjoerd Spanninga:
Skets

Doe't wy de mar ta sylden
in iepensteande fûk it seil
dat koelte fiske
hwer't it soal him baeide
fan 't biheinde
nei de greate driften
de mêst in houten skonk
dy't joalich skaeide
op it batsen fan it boat
siet noch de moarn as meijer yn 'e blommen
en in stik wetter weage
foar de boech
men koe der wol mei skotse
de reis werom
de dei hie west as fiedsum brea
syn fjildflesse ús drinken
stiene de beammen stilforljochte
by in âlde muorre
en fleach in toverstrûk
oan gouden flinters
wylst der in sigen troch de popelieren
reinde
dan doek de sinne wei
en waerd de joun
in swarte tuorre
de nacht kroep donker oer de ierde
liet syn moanne-skylden
blinke.