De Tsjerne. Jaargang 13

[p. 235]

Sjoerd Spanninga:

Heiling

De reade keamer fan it hert
de wekker tikket mar
de tiid
syn leed
dan saeit der yn 'e baei
in reade moanne del
sá'n greate giele moanne
letter
it is need
in flikkering fan fjûr
sjocht men ûntset
dat stilten dy wurde ta stimmen
in fiskerman
sylt wol de haven út
tusken de tûzen diggels
lâns de kaei
waggelt it wetter.

Boereleginde

In pleats
de gouden finsters
iepen eagen op it himelheif
hellet de joun my yn
in jonge leafde
sit foar 't sinneblyn
spyljend de skalmei
ûnder de griene wyn.