De Tsjerne. Jaargang 13

[p. 208]

[p. t.o. 208]

MATA HARI
Nei in yn 1914 Parys troch Pyt van der Hem skildere portret, yn eigendom by Juff. J. van den Berg to Hilversum

[p. 209]

Durk van der Ploeg:
Mata Hari

I

Mata Hari
bajadère
dounset yn de
music-hall
de metalen mjitten
as sêfte oktaven
op in lichem
fan gers
nachten brekke
as spegelglês
ûnder 't ritme
fan har skonken
dy't fan
wurd en wizen
dronken
falle efter de
koulissen

[p. 210]

II

dou hast mei
in spiker
in teken fan libben
yn 'e muorre
fan 'e sel skrast
in teken
ûnderdienich oan
de tael
equivalint mei
it wurd

en sûnder witten
dei oan dei
de tiid fordien
útholle ta in
dea each
it libben spjalt
as tarieding
op it geheim
fan de dea

it ljocht brutsen
tusken dyn fingers

it lûd forskûle
yn dyn earskulp

it lichem poreus
oerjown
ta frucht en
fal.