De Tsjerne. Jaargang 13

[p. 152]

Sjoerd Spanninga:
It trochsicht

It deistich bistean seit kwek-kwek
sit fol einekroas
mar jouns dan wurdt alles oars
sa liket it wol
de dingen dy blêdzje tobek
sordino spilet ta broas forwar
in lûdleas liet fan sinne-bylden
dit suvert de longen
hja sykhelje wer nei it wêzen hinne
sokke tiden dochs sil it barre kinne
soms sjocht men samar in fiver driuwen
de minsken bigjinne to blinken
ûnder de beammen
sulverich soeijende
stilljochtsjende wettenplanten
rize en sinke hja mei it libbene goud
op 'e siden
roeijende reafinne fisken
en dat doalt mar yn hoalen en hernen
dy't letter it dize
moannefjûr groeije litte
grienglânzjend moas
hwer't noch eat fan it oer oan hinget
allinne de sé en de wieren
witte fan alles hwat berne
de gongen
wylst jowt it de dieren in trochsicht
tusken de eagen....