De Tsjerne. Jaargang 13
(1958)– [tijdschrift] Tsjerne, De–
Auteursrechtelijk beschermd
[pagina 142]
| |
Audreyin plaet fan dave brubeck
stadich wei
yn in dei
mei
iensum ljocht
socht
ik om
audrey
audrey
in namme
in toan
fan in
saksofoan
fier fuort
hinne
nei
in dei
fan sinne
audrey
ik bin
allinne
| |
[pagina 143]
| |
Reaksje
ik bûch de ûnderdielen tael
om it bigryp dêrmei oerien
al is de handeling fatael
ik lear mysels oant op it bien
mar yn de ôfteekne figuer
haw ik my dochs allinne steld
de ôfwiking yn myn postuer
is fan de dakken ôf forteld
ik ûndergean it eigen neat
en stap dan út de sirkeling
ik stel my oan it libben bleat
en fiel de waermens fan elts ding
| |
Eksperimint
it bûcht
ûnder myn fingers
muoisum
ik fiel
hoe't it libben
ûntstiet ûnder
myn hannen
hiel stadich
bûch ik fierder
in slanke bocht
it trillet
yn uterste spanning
de bûging stint
en brekt
| |
[pagina 144]
| |
Reveille foar Bianca
nou leit it wurd fan nachtkristal
forstoarn yn toetsen sûnder tal
sa eal en topswier dat fortriet
bilune yn de mjitten stiet
fan in fortroud gedicht
is net de orchidé gesicht
fan hwat op ierde bloeide
himsels forsnoeide
hwant yn it amber fan de dei
in arabesk to sliepen lei
hwant blau en blau en ivich blau
liz ik myn earmen om dy frou
in liet dat wer to gleonjen stiet
dy feestlik fan de lippen giet
yn de fierte gounze in gong
oant er yn tûzen stikken sprong
| |
[pagina 145]
| |
Serpentinevokalise
brouns brouns
fammebrouns
kleuren fan in
getten fanke
lytse tine
greate anke
douns douns
roune douns
kleuren dounsje
oer de koarden
wetterfammen
wetteroarden
douns brouns
roune douns
yn in kleur fan
moannebrouns
yn in skiere
oargeltún
leit in bliere
stêd oan pún
hwa sil wol
hwa sil net
oer de paden
nei myn hert
hwa sil oer de
lêste skaden
nei de tûzen
myriaden
hwa sil oer it
lêste sket
ien twa trije
yn myn hert
hwa sil krije
my
of
net
|
|