De Tsjerne. Jaargang 13

[p. 4]

Sybe Sybesma:
Simpel hjerstlietsje

Ien ding, fan al ús dagen
mids hiel dit wreed biweech
fan lêsten en fan lagen,

it herte leech,

ien ding, mank al ús winsken
en langstmen sûnder doel,
it great forlet fan minsken,

mar 't herte koel,

ien ding by al ús stribjen
nei ierdske macht en jild,
it stjerren en it libjen,

it moed fortild,

ien ding, dêr't efter alle
bigearten, slach op slach,
wy ienris oan forfalle,

it herte wach,

ien ding: twa blauwe eagen,
in blanke famkeshân -
dit, efter eltse leagen

it lêst bistân!