De Tsjerne. Jaargang 12

Sybe Sybesma:
Hjerstdei

Hear: it is tiid. De simmer wie net earm.
Liz Jo Jins skaed op oan de sinnewizers,
en lit oer miene en fjild de winen gean.

Jit nou de lêste fruchten rypdom yn;
bied harren jit twa sudeliker dagen,
pres har ta waechsdom, driuw mei laech op lagen
de lêste swietens yn 'e swiere wyn.

Hwa't nou gjin hûs hat, bout ek net mear ien.
Hwa't nou allinnich is, sil it lang bliuwe,
sil wekker wêze, lêze, brieven skriuwe,
en yn 'e leanen fier fan elkenien
omswalkje as troch de loft de blêdden driuwe.

Oersetting Rainer Maria Rilke Herbsttag