De Tsjerne. Jaargang 12

[p. 206]

Amarins de Jong:
Heide

Hast nea bang west op de heide?
Hast nea eangst hawn foar syn tsjoen?
Hast it heimnis dat der swalket
nea net oan de seamen sjoen?

Oan de seamen fan de heide
binne bosken, swart en swier.
En it heimnis hat syn paden
lâns dy kimen ticht en fier.

O, de moeting is needlottich
en forliedelik it liet!
Flechtsje, flechtsje oer de heide
as it lâns de kimen giet.