De Tsjerne. Jaargang 12

[p. 203]

Lolle Nauta en Jo Smit:
Aforismen

Der wie ris in rigel, dy't op syn wurd leaud waerd, mar hy koe nimmen fine om skreaun to wurden.

*

Dy't de film draeit, kin net nei de film.

*

Immen dy't tsjin ‘Vermassung’ iggewearret, wol ha, ik moat it rjocht hawwe om oars to wêzen, as de oaren mar gelyk binne oan my.

*

God is de lju fan 'e frijetiidsbisteging net nedich, oars soene hja net mear libje.

*

Party moetsje in skilderstik fan Van Gogh net as in kunstwurk, it libben fan 'e skilder is foar har nammers in roman.

*

In yntellektueel, ien, oan hwa't men net mear rûkt dat er studearre hat.

*

It hat mear sin gjin sin yn it libben to finen as der gjin sin oan to hawwen.

*

Wol men it snobisme bistride, dan moat men it fordigenje.

[p. 204]

In Fries: ien, dy't syn earnst slim serieus nimt.

*

It gedicht wit mear fan 'e dichter as de dichter.

*

In skriuwer is in man, dy't oan litteratuer docht, salang't er de litteratuer net hwat oandocht.

*

In folklorist is in man, dêr't alles foar doocht, as it it mar net mear docht.

*

Foar de folklorist is de kritikus in man, dêr't neat foar doocht, as it it docht.

*

It forskil tusken in Fryske útjower en in Frysk skriuwer is, dat hja beide fan 'e litteratuer net bistean kinne.

*

De measte deiboeken binne nachtboeken.

*

It aforisme is humoristysk, hwant de humor is aforistysk.

*

De ierde is in bol, dêrom is Drachten it milpunt.

*

Neffens Kafka is de koitus de straf foar it byinoarwêzen, foar biwegingslju is it oarsom.

[p. 205]

Hy is mei it nawlestring oan 't folk forboun, sa hat er in guodkeap middel by de hân om it to smoaren.

*

De Fryske jongerein, âld as jonkman, linich as de stiennen man.

*

De lichte Muze... Ella Wassenaer?

*

Quatrebras forskynt nou eksperiminteel.

*

Doe't Tamminga en Schurer it yn in kwatryn meiinoar iens waerden, wie it kwatryn it mei himsels ûniens.

*

Wat se skriuwt... Wad man soe it moai fine?

*

In himmele boekekas: ien sûnder fingerprinten.

*

Djiptepsychology: troch de woartels de beam net mear sjen.

*

Quatrebras exit: foar fjouwer earmen kin men net in earmhûs ynrjochtsje. (2 Makkab. 8:6)

*

Toer en Tsjerke: bûk sûnder wjergea.

*

It is it minste freud net, dêr't Jan de P op yn hat.