De Tsjerne. Jaargang 12

[p. 174]

Liuwe Dykstra:
Kollum

Dou leaflik doarp, dat dreamt
Forgetten fan de wrâld;
Earmhertich streamt dyn bloed,
Myn hert wurdt núv're kâld.

It sjongen fan dyn oargels
Oerstimt de swiete smeits
Fan skientme op de ierde,
Foar dy gjin wil formeits.

Dyn beammen tsjûgje leafde,
Forwege yn maitiidswyn.
De swart-trochiere krunen,
Stean' boppe al dyn skyn.

Genedefol mijt dy it libben,
It giet yn myld bigryp foarby.
Dyn eagen bliuwe ivich sletten:
It libben is to great foar dy.