De Tsjerne. Jaargang 12

[p. 81]

Aldert Toornstra:

Noir et blanche

ik seach in wite neger
dy't in liet song
oer wyt en swart
de swarte blues fan in wite neger
wyt en swart
komplementair
swart en wyt
en de wite neger
dy't de blues song
yn in swarte wrâld
dreamde fan in
swarte neger yn in wite wrâld
dy't nou swart is

Fers

út de kosmos saeit de stjer
del nei de stâl
nei it embryo fan de leafde
fan de minsken
ta de minsken
yn de frede sûnder oarloch
yn in wrâld sûnder haet
nou bidde de minsken it oan
de minsken dy't dochs it krús planten
om dêr wer de leafde oan to slaen