De Tsjerne. Jaargang 11

[p. 112]

Frysk en frjemd:

Skriuwers yn 'e bak

It ‘Nederlands Letterkundig Museum’, ôfdieling Documentatiedienst, en it ‘Archief en Museum voor het Vlaamse Cultuurleven’ binne forline jier bigoun, meidielingen op kaerten út to jaen mei bitroubere gegevens oer Nederlånske en Fiaemske letterkundigen, har wurk en de réaksjes dêrop. De Fryske Akademy to Ljouwert is forsocht, mei to wurkjen om ek foar de Fryske auteurs sa'n systeem op to bouwen. As dêr bilangstelling foar bistiet sil de Akademy bisykje dêr gefolch oan to jaen. Gadingmakkers kinne har op dy Fryske rige abonnearje. Alle jierren soene dan fjouwer à fiif Fryske sknuwers yn 'e (kaerte)bak brocht wurde. De bidoeling is, dat der bigoun wurdt mei nou noch libjende auteurs, mar dat der weromwurke wurdt nei earderen, om op 'en dûr in folslein oersjoch neffens ienselde systeem to krijen.

Fryske forhalen yn Prisma-rige?

In pear jier lyn hat ús redakteur G.A.G. Meerburg de útjowerij fan de Prisma-pocketbooks, Het Spectrum to Utert, al ris foarslein yn dy rige in útjefte op to nimmen fan yn it Hollânsk fortaelde Fryske koarte forhalen. De útjowerij hat nou oan D.A. Tamminga en Anne Wadman in foarlopige opdracht jown om ta in kar to kommen. De studmt R. Falkena hat it administrative part fan dit inisiatyf op him nommen.

Z.W.O.

De stúdzje oer de oarsprong fan de troch Gysbert Japiks by forskate fan syn gedichten oanjowne wizen, skreaun troch prof. dr. Jac. Jansen ûnder de titel ‘Gysbert Japicx’ lieten’, dêr't Z.W.O. subsydzje yn stutsen hat, sil meikoarten forskine, ûnder auspisiën fan de Fryske Akademy. De oarspronklike wizen wurde yn it boek opnommen, de Fryske tekst fan de stûdzje wurdt efteryn yn it Nederlånsk en it Ingelsk gearfette.

Koart nijs

De hear J.J. Spahr van der Hoek to Olterterp hat op him nommen, de bundel mystearjeforhalen ‘De grize oer de grouwe’ fan Geart Jonkman, Ype Poortinga en Marten Sikkema to yllustrearjen. - J.B. Charles hat, yn it ‘spoar’ fan syn fijân W.F. Hermans (‘Mandarijnen op zwavelzuur’) yn it Jann.-nûmer fan ‘Maatstaf’ in persoanlikrankuneuze oanfal â la Hermans dien op syn eardere freon Fokke Sierksma. Van ‘Humanisme met haar op de tanden’ tot nep-nihilisme is de titel fan it wiidweidich stik, dêr't men al min de ‘maatstaf’ fan de honnête homme foar oanlizze kin. - Yn Maert 1955 brochten de ‘Mitteilungen’ fan it ‘Institut fûr Auslandsbeziehungen’ (Stuttgart) in wiidweidich oersjoch fan sa'n 900 kulturele tydskriften út 72 lånnen oer de hiele wråld. Dat ‘De Tsjerne’ yn dizze lange en bûnte rige ek in plak krige hat (al is it dan yn misstavering ‘Tsierne’ en mei opjefte fan ien redakteur: Fedde Schurer) is dochs in feit dat jin yn it sin bringt dat ek in Frysk tydskrift yn great forbân arbeidet. - De yn Oslo forskinende Noarske deiblêdden ‘Morgen-bladet’ en ‘Aftenbladet’ hawwe yn Jannewaris in skôging jown fan it Noarwegen-nûmer fan ‘De Tsjerne’.

FREARK DAM.