De Tsjerne. Jaargang 10

[p. 353]

Fedde Schurer:
Stiltme.

Stiltme, dy 'k aloan bigeare
en aloan ûntflechte ha
lit my fa dyn myldens keare
slút dyn earmen om my ta

Rêd my fan de lûde stimmen
dy't my lûke fan dyn paed
dat ik folchsum, wiis en dimmen
gean dêr't my dyn stjerre laet

Lit my oan dyn knibbel dreame
al to lang ha 'k hope en socht
dat ik ienris wer de seame
fan dyn klaed birikke mocht

Alle lûd en alle leagen
wurdt by dy ta ydle waen -
ûnder dyn alwittende eagen
lit my bidde en boete dwaen