De Tsjerne. Jaargang 10

[p. 204]

Tjitte Piebenga:
Pas encore

yn snjitters lûkt
de forfage wrâld
lâns myn ruten
in lette beam
slacht noch grien út
hjir en dêr in
nugget goud

ik woe it dy jaen

en om dyn boarsten

wine

marida

mar it mei net
men wol net lije
dat ik soks doch it is
ûnseedlik yn it iepenbier

coasters fol tochten

steamers mei langstmen

farre tusken ús

mar de havenarbeiders stake

ik woe it dy jaen

en om dyn boarsten

wine

marida

mar de slûzen lizze ticht

en wy farre yn

it gebiet fan de

passaten en dû

witst hwat dat

bitsjut

de slûzen lizze ticht en
de havenarbeiders stake

marida

siz my dat

net wer ik

kin it net

net mear oan

hwant de wrâld

wol it net

[p. 205]

 

ik bin sa bang soms

 

foar ûnwaer en tonger

 

mar as it simmer wurdt

 

en de nuggets yn 'e safe

 

fan de seizoenen lizze

 

meistû it wer sizze hwant

 

dan is de kâns op ûnwaer

 

lang sa great net mar nou

 

net wer sizze

 

marida ik

 

kin it net

 

net mear oan

 

hwant de wrâld

 

wol it net

 

de slûzen lizze ticht en

 

de havenarbeiders stake

 

mar it giet goed sa

 

hwant der binne constellations

 

dy't tachtich man forfiere kinne

 

en it wurdt simmer skielk

 

dan stake se net mear hwant

 

se hawwe leansforheging krigen

 

en dêr gyng it om

 

marida

 

siz it dan

 

nou net hwant

 

ik kin it net

 

net mear oan hwant

 

de wrâld wol it net

 

marida

 

 

 

skielk as it simmer wer wurdt