De Tsjerne. Jaargang 9

[p. 310]

Jelle de Jong:

nachtmusyk

it liet de sang it sankje
ik hear al in band
it moat gjin ikarus wêze
it moat harmoanysk wêze
mei fjûr en enthousiasme
ien draeft mar roun
it is in indiër fan poarper
it is de nacht

[p. 311]

simmer

de goaden rinne fan de olympus ôf
nei de goadinnen yn parys
grien en wyt en blau stean
venus en athene foar it moadehûs

alle wite bloeses binne transparant
en de eifeltuorren gapje nei de boarsten

de sinne smyt syn junydei
krekt noch by de huzen lâns
de hiele stêd wurdt tûzendielich
in tûzendielich swimpak

alle wite bloeses binne transparant
en de eifeltuorren gapje nei de boarsten