De Tsjerne. Jaargang 9

[p. 257]

[Nummer 9]

Fedde Schurer:
Lyts recital

foar ús utjower Kamminga by syn sawntichste jierdei.

Printer is men of men is it net
En dizze waerd printer berne
It printsjen bleau him in saek tan syn hert
Oars stie dit net biskreaun yn 'e Tsjerne.

En sawntjin of sawntich, hwat makket it út
Der bin safolle prachtige dingen
Al wurdt men fitere fan rap en rút
En al spant jin de wrâld yn syn stringen

Hjoed tsjocht in rige bylden foarby
Yn kleuren al djipper en folder
Hjoed wurde âlde nammen wer nij
Ta de Moarn - Heinrich Heine - De Holder -

Ja, dit hjoed is mar wif en de takomst faek swart
De dichters faek dom en parmantich
En de kunst is sa lang en it libben sa koart
En ear't men it wit is men sawntich.

De dichters dy sjonge oan ien tried wei
En dy't printer berne waerd printet
It útskot dat nimt wol de jiskeman mei
Allinnich it bêste dat wint it.

Hwa is wol net hoopfol nei Dokkum gien,
Hoe mannich talint is hjir rêdden
Hwant hwat Kamminga koe, dat koe net ien
Yn ús atve romrofte stêdden.

De foldwaning it greatst en de opbringst it lytst
Siz, hat it sa altyd net west?
Mar de krusing fan sakeman en artyst
Is de útjower dochs op syn bêst

[p. 258]

 

Ek as hy himsels ris skjin útjown hie

 

Dat koe dochs syn wille net skeine -

 

Lit it roazen dan hjoed lâns de Dokkumer 1e

 

En anjelieren reine

 

 

 

Lit Fryslâns poëten nou kundigje yn koar

 

Dat der nea sa'n twadden bistien hat

 

Hwant gekheit is gekheit, mar neam my ien oar

 

Dyt syn wurk sa mei leafde dien hat.